دل و نگاہ میں اس کو اگر نہیں رہنا

دل و نگاہ میں اس کو اگر نہیں رہنا

شناسؔ مجھ کو بھی پھر در بدر نہیں رہنا

اگر میں آؤں گا صدیوں کی عمر لاؤں گا

کہ تیرے پاس مجھے مختصر نہیں رہنا

یہ کائنات مری انگلیوں پہ ناچتی ہے

مجھے ستاروں کے زیر اثر نہیں رہنا

میں جانتا ہوں مگر دل کو کون سمجھائے

شناسؔ اس کو مرا ہم سفر نہیں رہنا

dil-o-nigah mein us ko agar nahin rahna

shanas mujh ko bhi phir dar badar nahin rahna

agar main aunga sadiyon ki umr launga

ke tere pas mujhe mukhtasar nahin rahna

ye kainat miri ungliyon pe nachti hai

mujhe sitaron ke zer-e-asar nahin rahna

main janta hun magar dil ko kaun samjhae

shanas us ko mira ham safar nahin rahna