تمہارے بعد جو بکھرے تو کو بہ کو ہوئے ہم

تمہارے بعد جو بکھرے تو کو بہ کو ہوئے ہم

پھر اس کے بعد کہیں اپنے روبرو ہوئے ہم

تمام عمر ہوا کی طرح گزاری ہے

اگر ہوئے بھی کہیں تو کبھو کبھو ہوئے ہم

یوں گرد راہ بنے عشق میں سمٹ نہ سکے

پھر آسمان ہوئے اور چار سو ہوئے ہم

رہی ہمیشہ دریدہ قبائے جسم تمام

کبھی نہ دست ہنر مند سے رفو ہوئے ہم

خود اپنے ہونے کا ہر اک نشاں مٹا ڈالا

شناسؔ پھر کہیں موضوع گفتگو ہوئے ہم

tumhare baad jo bikhre to ku ba ku hue ham

phir is ke baad kahin apne rubaru hue ham

tamam umr hawa ki tarah guzari hai

agar hue bhi kahin to kabhu kabhu hue ham

yun gard-e-rah bane ishq mein simat na sake

phir asman hue aur char su hue ham

rahi hamesha darida qaba-e-jism tamam

kabhi na dast-e-hunar mand se rafu hue ham

khud apne hone ka har ik nishan mita dala

shanas phir kahin mauzu-e-guftugu hue ham