اپنی بے چارگی پہ رو نہ سکے

اپنی بے چارگی پہ رو نہ سکے

تیرے کیا ہوتے اپنے ہو نہ سکے

زندگی اور وہ بھی مانگے کی

ہم ندامت کا داغ دھو نہ سکے

خود فریبی کی انتہا یہ ہے

دل سی بیکار شے بھی کھو نہ سکے

نا خدا کے بغیر کچھ نہ بنا

اپنی کشتی بھی خود ڈبو نہ سکے

apni be chargi pe ro na sake

tere kya hote apne ho na sake

zindagi aur wo bhi mange ki

ham nadamat ka dagh dho na sake

khud farebi ki intiha ye hai

dil si bekar shai bhi kho na sake

na khuda ke baghair kuchh na bana

apni kashti bhi khud dubo na sake