غم کو وجہ حیات کہتے ہیں

غم کو وجہ حیات کہتے ہیں

آپ بھی خوب بات کہتے ہیں

آپ سے ہے وہ یا ہمیں سے ہے

ہم جسے کائنات کہتے ہیں

کور ذوقی کی انتہا یہ ہے

لوگ دن کو بھی رات کہتے ہیں

یہ غلط کیا ہے تجربے کو اگر

حاصل حادثات کہتے ہیں

بچ نکلنا فریب ہستی سے

بس اسی کو نجات کہتے ہیں

جس محبت پہ ہے مدار حیات

اس کو بھی بے ثبات کہتے ہیں

وہ مرے شعر ہی تو ہیں شعلہؔ

جن کو قند و نبات کہتے ہیں

gham ko wajh-e-hayat kahte hain

ap bhi khub bat kahte hain

ap se hai wo ya hamen se hai

ham jise kainat kahte hain

kor zauqi ki intiha ye hai

log din ko bhi rat kahte hain

ye ghalat kya hai tajribe ko agar

hasil-e-hadsat kahte hain

bach nikalna fareb-e-hasti se

bas usi ko najat kahte hain

jis mohabbat pe hai madar-e-hayat

us ko bhi be sabat kahte hain

wo mire sher hi to hain shola

jin ko qand-o-nabat kahte hain