دل بے مدعا کا مدعا کیا

دل بے مدعا کا مدعا کیا

اسے یکساں روا کیا ناروا کیا

جنہیں ہر سانس بھی اک مرحلہ ہے

انہیں راس آئے دنیا کی ہوا کیا

کوئی سنتا نہیں ہے مفلسوں کی

غریبوں کا پیمبر کیا خدا کیا

نگاہ دوست میں جچتا نہیں جب

تو پھر میں کیا مرا ذہن رسا کیا

بڑا اچھا کیا آج آ گئے تم

چلو چھوڑو نہ آئے کل ہوا کیا

جو خود دست طلب پھیلا رہا ہو

سکھی بھی ہو تو اس کا آسرا کیا

اگر مجبور ہے جینے پر انساں

تو پھر کیسے کٹے یہ سوچنا کیا

dil-e-be muddaa ka muddaa kya

use yaksan rawa kya narawa kya

jinhen har sans bhi ik marhala hai

unhen ras ae duniya ki hawa kya

koi sunta nahin hai muflison ki

gharibon ka payambar kya khuda kya

nigah-e-dost mein jachta nahin jab

to phir main kya mira zehn-e-rasa kya

bara achchha kiya aj a gae tum

chalo chhoro na ae kal hua kya

jo khud dast-e-talab phaila raha ho

sakhi bhi ho to us ka asra kya

agar majbur hai jine par insan

to phir kaise kate ye sochna kya