نہیں کہتے کسی سے حال دل خاموش رہتے ہیں

نہیں کہتے کسی سے حال دل خاموش رہتے ہیں

کہ اپنی داستاں میں تیرے افسانے بھی آتے ہیں

وہ جن پر فخر ہے فرزانگی کو نکتہ دانی کو

تری محفل میں ایسے چند دیوانے بھی آتے ہیں

ادب کرتا ہوں مسجد کا وہاں ہر روز جاتا ہوں

کہ اس کی راہ میں دو چار میخانے بھی آتے ہیں

ہمارے میکدے میں مے بھی ہے ایماں کی باتیں بھی

یہیں تو ایک صاحب وعظ فرمانے بھی آتے ہیں

نہ گھبرا چاہنے والوں سے یہ تو عین فطرت ہے

کہ شمع نور افشاں ہو تو پروانے بھی آتے ہیں

nahin kahte kisi se hal-e-dil khamosh rahte hain

ke apni dastan mein tere afsane bhi ate hain

wo jin par fakhr hai farzanagi ko nukta dani ko

tiri mahfil mein aise chand diwane bhi ate hain

adab karta hun masjid ka wahan har roz jata hun

ke us ki rah mein do char maikhane bhi ate hain

hamare maikade mein mai bhi hai iman ki baten bhi

yahin to ek sahab waaz farmane bhi ate hain

na ghabra chahne walon se ye to ain-e-fitrat hai

ke sham-e-nur afshan ho to parwane bhi ate hain