انساں بہ یک نگاہ برا بھی بھلا بھی ہے

انساں بہ یک نگاہ برا بھی بھلا بھی ہے

یعنی وہ مشت خاک تو ہے کیمیا بھی ہے

اے غم نصیب کس سے ہے ممکن ترا علاج

اے بد نصیب تیرے مرض کی دوا بھی ہے

کیوں کر کہیں کہ جس کو خدائی نہ تھی قبول

وہ بے نیاز آپ کے در کا گدا بھی ہے

تیرے وجود سے بھلا انکار ہو کسے

اے تو کہ ذرے ذرے میں جلوہ نما بھی ہے

بندہ نوازیوں پہ نہ اترائیے بہت

بندہ نواز آپ سے بڑھ کر خدا بھی ہے

شعلہ سے دور رہئے کہ شاعر سہی مگر

ضدی ہے بے وقوف ہے دل کا برا بھی ہے

insan ba yak nigah bura bhi bhala bhi hai

yaani wo musht-e-khak to hai kimiya bhi hai

ai gham nasib kis se hai mumkin tira ilaj

ai bad nasib tere maraz ki dawa bhi hai

kyun kar kahin ke jis ko khudai na thi qubul

wo be niyaz ap ke dar ka gada bhi hai

tere wajud se bhala inkar ho kise

ai tu ke zarre zarre mein jalwa numa bhi hai

banda nawaziyon pe na itraiye bahut

banda nawaz ap se barh kar khuda bhi hai

shola se dur rahiye ke shayar sahi magar

ziddi hai be wuquf hai dil ka bura bhi hai