صورت سے جو دکھائی دئیے تھے غریب سے

صورت سے جو دکھائی دئیے تھے غریب سے

اب رشک ہر کسی کو ہے ان کے نصیب سے

پھر اس کے بعد ہم بھی جلیں طور کی طرح

بس ایک بار دیکھ لیں ان کو قریب سے

جب سنگ ریزہ ہمدم دیرینہ ہو گئے

تو تشنگی بجھا گئے جو تھے رقیب سے

بے فکر بے خبر چلا جاتا تھا اک ہجوم

تھم جاؤ اک صدا تھی وہ کس کی صلیب سے

surat se jo dikhai diye the gharib se

ab rashk har kisi ko hai un ke nasib se

phir is ke baad ham bhi jalen tur ki tarah

bas ek bar dekh len un ko qarib se

jab sang reza hamdam-e-derina ho gae

tu tishnagi bujha gae jo the raqib se

be fikr be khabar chala jata tha ik hujum

tham jao ik sada thi wo kis ki salib se