ساتھ پا کر بھی ڈر گیا کوئی

ساتھ پا کر بھی ڈر گیا کوئی

راستے میں ٹھہر گیا کوئی

کوئی کھڑکی تلک بھی آ نہ سکا

کتنے زینے اتر گیا کوئی

زعم شمشیر کھوکھلا نکلا

خالی ہاتھوں بپھر گیا کوئی

آبلہ پا بھٹکتا رہتا تھا

تم سے مل کر نکھر گیا کوئی

پھول بن کر کھلا تھا اے داؤدؔ

دھول بن کر بکھر گیا کوئی

sath pa kar bhi dar gaya koi

raste mein thahar gaya koi

koi khirki talak bhi a na saka

kitne zine utar gaya koi

zaam-e-shamshir khokhla nikla

khali hathon biphar gaya koi

abla pa bhatakta rahta tha

tum se mil kar nikhar gaya koi

phul ban kar khula tha ai daud

dhul ban kar bikhar gaya koi