یوں تو مرا اس سے کوئی پردہ بھی نہیں ہے

یوں تو مرا اس سے کوئی پردہ بھی نہیں ہے

لیکن کبھی میں نے اسے دیکھا بھی نہیں ہے

انسان ہے وہ کوئی فرشتہ بھی نہیں ہے

اس سا کوئی دنیا میں نرالا بھی نہیں ہے

دنیا میں کسی کو کبھی کمتر نہیں سمجھا

میں کون ہوں کیا ہوں کبھی سوچا بھی نہیں ہے

کیا جانیے کیوں لوگ گزر جاتے ہیں کٹ کر

میرا تو کسی سے کوئی رشتہ بھی نہیں ہے

دشمن سے فزوں تر ہے نگہبان کی قوت

شاید مرے دشمن نے یہ سوچا بھی نہیں ہے

کیوں میری صدا سن کے زمانہ ہے غضب میں

ایسا کوئی اونچا مرا لہجہ بھی نہیں ہے

کیوں میرے لیے دار سجایا گیا تابشؔ

میں نے تو کسی کو کبھی ٹوکا بھی نہیں ہے

yun to mira us se koi parda bhi nahin hai

lekin kabhi main ne use dekha bhi nahin hai

insan hai wo koi farishta bhi nahin hai

is sa koi duniya mein nirala bhi nahin hai

duniya mein kisi ko kabhi kamtar nahin samjha

main kaun hun kya hun kabhi socha bhi nahin hai

kya janiye kyun log guzar jate hain kat kar

mera to kisi se koi rishta bhi nahin hai

dushman se fuzun tar hai nigahban ki quwwat

shayad mire dushman ne ye socha bhi nahin hai

kyun meri sada sun ke zamana hai ghazab mein

aisa koi uncha mira lahja bhi nahin hai

kyun mere liye dar sajaya gaya tabish

main ne to kisi ko kabhi toka bhi nahin hai