پھر مجھے کون و مکاں دشت و بیاباں سے لگے

پھر مجھے کون و مکاں دشت و بیاباں سے لگے

روبرو کون تھا جو آئنہ حیراں سے لگے

کچھ تھی کم حوصلگی اپنی تھی کچھ بے بصری

کچھ ہمیں عشق کے ہنگامے بھی آساں سے لگے

زندگی میرے اضافے مجھے واپس کر دے

جھاڑ دے خار جو ناحق ترے داماں سے لگے

وقت کٹتا رہا تھا عہد حضوری کہ فراق

زخم لگتے رہے چاہے کسی عنواں سے لگے

زیست ہم ہار کے بھی ہاتھ ملائیں تجھ سے

اپنے یہ حوصلے شاید تجھے بے جاں سے لگے

phir mujhe kaun-o-makan dasht-o-bayaban se lage

rubaru kaun tha jo aina hairan se lage

kuchh thi kam hauslagi apni thi kuchh be basari

kuchh hamen ishq ke hangame bhi asan se lage

zindagi mere izafe mujhe wapas kar de

jhar de khar jo nahaq tire daman se lage

waqt katta raha tha ahd-e-huzuri ke firaq

zakhm lagte rahe chahe kisi unwan se lage

zist ham har ke bhi hath milaen tujh se

apne ye hausle shayad tujhe be jan se lage