ہر ایک گام پہ حد ہر قدم در و دیوار

ہر ایک گام پہ حد ہر قدم در و دیوار

فضائے شہر بنی بیش و کم در و دیوار

یہی تھے صحن فضا اور یہی گھر آنگن تھا

تم آئے ہو تو ہوئے محتشم در و دیوار

ہم اپنے درد ہواؤں سے بھی نہیں کہتے

اٹھائے پھرتے ہیں خود اپنے غم در و دیوار

یہ ریگ زار ہے اور اس کی اپنی دنیا ہے

یہاں ہمیشہ رہے کم سے کم در و دیوار

ہوا وطن کی پلٹ آئی بادبان کے ساتھ

وہی یہاں بھی فضا آشرم در و دیوار

نظر کے آگے نہیں پر نظر میں زندہ ہیں

سکول بستے گھروندے قلم در و دیوار

گئے جہاں بھی وہیں شہر بس گیا احسانؔ

ازل سے اپنے رہے ہم قدم در و دیوار

har ek gam pe had har qadam dar-o-diwar

faza-e-shahr bani besh-o-kam dar-o-diwar

yahi the sehn-e-faza aur yahi ghar angan tha

tum ae ho to hue mohtashim dar-o-diwar

ham apne dard hawaon se bhi nahin kahte

uthae phirte hain khud apne gham dar-o-diwar

ye reg zar hai aur us ki apni duniya hai

yahan hamesha rahe kam se kam dar-o-diwar

hawa watan ki palat ai badban ke sath

wahi yahan bhi faza ashram dar-o-diwar

nazar ke age nahin par nazar mein zinda hain

sakul baste gharaunde qalam dar-o-diwar

gae jahan bhi wahin shahr bas gaya ehsan

azal se apne rahe ham qadam dar-o-diwar