آئنہ آئنہ کیوں کر دیکھے

آئنہ آئنہ کیوں کر دیکھے

اپنے ہی داغ نظر بھر دیکھے

تم نے جلوے کو بھی چھونا چاہا

ہم نے خوشبو میں بھی پیکر دیکھے

آپ انساں ہوا صورت کا اسیر

شیشہ ٹوٹے تو سکندر دیکھے

ہم نے آواز لگائی سر طور

روپ جب شوق سے کمتر دیکھے

جلوۂ طور بجا تھا لیکن

آنکھ مشتاق تھی پیکر دیکھے

درد کو خوف بکھر جانے کا

آنکھ کو شوق کہ بڑھ کر دیکھے

مستقل سب کا پتہ ایک ہی تھا

کس نے فغفور و سکندر دیکھے

aina aina kyun kar dekhe

apne hi dagh nazar bhar dekhe

tum ne jalwe ko bhi chhuna chaha

ham ne khushbu mein bhi paikar dekhe

ap insan hua surat ka asir

shisha tute to sikandar dekhe

ham ne awaz lagai sar-e-tur

rup jab shauq se kamtar dekhe

jalwa-e-tur baja tha lekin

ankh mushtaq thi paikar dekhe

dard ko khauf bikhar jane ka

ankh ko shauq ke barh kar dekhe

mustaqil sab ka pata ek hi tha

kis ne faghfur-o-sikandar dekhe