مری حیات کو بے ربط باب رہنے دے
Ehtisham Akhtar (b. 1944)مری حیات کو بے ربط باب رہنے دے
ورق ورق یوں ہی غم کی کتاب رہنے دے
میں راہگیروں کی ہمت بندھانے والا ہوں
مرے وجود میں شامل شراب رہنے دے
تباہ خود کو میں کر لوں بدن کو چھو کے ترے
تو اپنے لمس کا مجھ پر عذاب رہنے دے
ذرا ٹھہر کہ ابھی خون میں سمائی نہیں
مرے قریب بدن کی شراب رہنے دے
بھلا چکا ہوں میں سب کچھ دلا نہ یاد مجھے
جو کھو چکا ہوں اب اس کا حساب رہنے دے
جلا لیا ہے بدن اپنی آگ میں میں نے
بجھا نہ اس کو ابھی یہ عذاب رہنے دے
miri hayat ko be rabt bab rahne de
waraq waraq yun hi gham ki kitab rahne de
main rahgiron ki himmat bandhane wala hun
mire wajud mein shamil sharab rahne de
tabah khud ko main kar lun badan ko chhu ke tire
tu apne lams ka mujh par azab rahne de
zara thahar ke abhi khun mein samai nahin
mire qarib badan ki sharab rahne de
bhula chuka hun main sab kuchh dila na yad mujhe
jo kho chuka hun ab us ka hisab rahne de
jala liya hai badan apni ag mein main ne
bujha na us ko abhi ye azab rahne de