دشت تنہائی بادل ہوا اور میں

دشت تنہائی بادل ہوا اور میں

روز و شب کا یہی سلسلا اور میں

اجنبی راستوں پر بھٹکتے رہے

آرزوؤں کا اک قافلہ اور میں

دونوں ان کی توجہ کے حق دار ہیں

مجھ پہ گزرا تھا جو سانحہ اور میں

سیکڑوں غم مرے ساتھ چلتے رہے

جس کو چھوڑا اسی نے کہا اور میں

روشنی آگہی اور زندہ دلی

ان حریفوں سے تھا واسطا اور میں

دیر تک مل کے روتے رہے راہ میں

ان سے بڑھتا ہوا فاصلا اور میں

جب بھی سوچا تو بس سوچتا رہ گیا

زندگانی ترا مرحلا اور میں

طنز دشنام لعنت عداوت حسد

ان رفیقوں کا سایہ رہا اور میں

dasht-e-tanhai badal hua aur main

roz-o-shab ka yahi salisla aur main

ajnabi raston par bhatakte rahe

arzuon ka ik qafila aur main

donon un ki tawajjoh ke haq dar hain

mujh pe guzra tha jo saneha aur main

saikron gham mire sath chalte rahe

jis ko chhora usi ne kaha aur main

raushni agahi aur zinda dili

in harifon se tha wasta aur main

der tak mil ke rote rahe rah mein

un se barhta hua fasla aur main

jab bhi socha to bas sochta rah gaya

zindagani tira marhalla aur main

tanz dushnam laanat adawat hasad

in rafiqon ka saya raha aur main