مجھے حیات کے سانچوں میں ڈھالنے والے

مجھے حیات کے سانچوں میں ڈھالنے والے

کہاں گئے وہ سمندر کھنگالنے والے

لڑھک رہا ہوں ڈھلانوں سے پیار کی میں تو

نہ آئیں راہ میں مجھ کو سنبھالنے والے

ہمارے شوق فراواں نے ڈس لیا ہم کو

کہ آستیں میں تھے ہم سانپ پالنے والے

ہوا میں پھینک نہ مجھ کو سمجھ کے کھیل کوئی

تجھی کو آ کے لگوں گا اچھالنے والے

ذرا سا کام ہوں میں پھر بھی نامکمل ہوں

یہاں ملے ہیں سبھی مجھ کو ٹالنے والے

کنواں ہوس کا تھا گہرا کچھ اس قدر اخترؔ

کہ خود ہی گر گئے مجھ کو نکالنے والے

mujhe hayat ke sanchon mein dhalne wale

kahan gae wo samundar khangalne wale

lurhak raha hun dhalanon se pyar ki main to

na aen rah mein mujh ko sambhalne wale

hamare shauq-e-farawan ne das liya ham ko

ke astin mein the ham sanp palne wale

hawa mein phenk na mujh ko samajh ke khel koi

tujhi ko a ke lagunga uchhalne wale

zara sa kam hun main phir bhi namukammal hun

yahan mile hain sabhi mujh ko talne wale

kuan hawas ka tha gahra kuchh is qadar akhtar

ke khud hi gir gae mujh ko nikalne wale