دل پہ خنجر وہ مار کر خوش ہیں

دل پہ خنجر وہ مار کر خوش ہیں

اور ہم ہیں کہ ہار کر خوش ہیں

زندگی نے پلٹ کے دیکھا ہمیں

ہم بھی اس کو پکار کر خوش ہیں

دور جاتی ہوئی تمنا کا

عکس دل میں اتار کر خوش ہیں

پہلی بارش کے خوش نما بادل

رنگ گلشن نکھار کر خوش ہیں

خشک پتے ہوا کے کاندھوں پر

چند لمحے گزار کر خوش ہیں

دل کے اس ڈوبتے سفینے سے

بار الفت اتار کر خوش ہیں

غم نے مدت سے مار رکھا تھا

آج ہم غم کو مار کر خوش ہیں

dil pe khanjar wo mar kar khush hain

aur ham hain ke har kar khush hain

zindagi ne palat ke dekha hamen

ham bhi us ko pukar kar khush hain

dur jati hui tamanna ka

aks-e-dil mein utar kar khush hain

pahli barish ke khush numa badal

rang gulshan nikhar kar khush hain

khushk patte hawa ke kandhon par

chand lamhe guzar kar khush hain

dil ke is dubte safine se

bar ulfat utar kar khush hain

gham ne muddat se mar rakha tha

aj ham gham ko mar kar khush hain