گو اس کی شکل اب ہے کہن سال کی طرح

گو اس کی شکل اب ہے کہن سال کی طرح

بھولا نہیں میں گاؤں کی چوپال کی طرح

صحرائے حرص و آز میں کوئی تو آئے گا

پھیلاؤں اپنے آپ کو میں جال کی طرح

اندر کا رس نچوڑا تو شاداب تھا بہت

لگتا تھا یوں تو سوکھی ہوئی ڈال کی طرح

مجھ سے کہاں بچے گا کہ ہر رگ میں ہوں نہاں

پھیلا ہوں تیرے جسم میں میں جال کی طرح

کب سے ہے انتظار کہ آئے کوئی ادھر

میں دشت میں ہوں جادۂ پامال کی طرح

go us ki shakl ab hai kuhan sal ki tarah

bhula nahin main gaon ki chaupal ki tarah

sahra-e-hirs-o-az mein koi to aega

phailaun apne ap ko main jal ki tarah

andar ka ras nichora to shadab tha bahut

lagta tha yun to sukhi hui dal ki tarah

mujh se kahan bachchega ke har rag mein hun nihan

phaila hun tere jism mein main jal ki tarah

kab se hai intizar ke ae koi idhar

main dasht mein hun jada-e-pamal ki tarah