یہ حادثہ مری آنکھوں سے گر نہیں ہوتا

یہ حادثہ مری آنکھوں سے گر نہیں ہوتا

تو کوئی غم بھی مرا ہم سفر نہیں ہوتا

ہوا کے خوف سے لو تھرتھراتی رہتی ہے

بجھے چراغ کو آندھی کا ڈر نہیں ہوتا

قدم قدم پہ یہاں غم کی دھوپ بکھری ہے

کوئی سفر بھی خوشی کا سفر نہیں ہوتا

خدا کی طرح مرے دل میں گر نہ تو بستا

تو میرا دل بھی عبادت کا گھر نہیں ہوتا

کسی کو یوں ہی وفاؤں سے مت نوازا کر

کہ بے وفا پہ وفا کا اثر نہیں ہوتا

ye hadisa miri ankhon se gar nahin hota

to koi gham bhi mira ham safar nahin hota

hawa ke khauf se lo thartharati rahti hai

bujhe charagh ko andhi ka dar nahin hota

qadam qadam pe yahan gham ki dhup bikhri hai

koi safar bhi khushi ka safar nahin hota

khuda ki tarah mire dil mein gar na to basta

tu mera dil bhi ibadat ka ghar nahin hota

kisi ko yun hi wafaon se mat nawaza kar

ke be wafa pe wafa ka asar nahin hota