لوگ سارے بھلے نہیں ہوتے

لوگ سارے بھلے نہیں ہوتے

ہاں مگر سب برے نہیں ہوتے

مدتوں دیکھ بھال ہے لازم

پیڑ یوں ہی کھڑے نہیں ہوتے

وہ پتنگوں کا پیار کیا جانے

جن کے گھر میں دیئے نہیں ہوتے

عشق چھپ کر کوئی بھلے کر لے

راز ان کے چھپے نہیں ہوتے

خواب ان کو حسین لگتا ہے

نیند سے جو جگے نہیں ہوتے

پھول سمجھا نہ ہوتا شعلوں کو

ہاتھ میرے جلے نہیں ہوتے

پیار چھوتا نہیں اگر دل کو

شعر ہم نے کہے نہیں ہوتے

log sare bhale nahin hote

han magar sab bure nahin hote

muddaton dekh bhal hai lazim

per yun hi khare nahin hote

wo patangon ka pyar kya jane

jin ke ghar mein diye nahin hote

ishq chhup kar koi bhale kar le

raz un ke chhupe nahin hote

khwab un ko hasin lagta hai

nind se jo jage nahin hote

phul samjha na hota sholon ko

hath mere jale nahin hote

pyar chhuta nahin agar dil ko

sher ham ne kahe nahin hote