کائنات آرزو میں ہم بسر کرنے لگے

کائنات آرزو میں ہم بسر کرنے لگے

سب بہت نفرت سے کیوں ہم پر نظر کرنے لگے

تیرے ہر لمحہ کا ہم نے آج تک رکھا حساب

یہ الگ ہے بات خود کو بے خبر کرنے لگے

زندگی کو الوداع کہہ کر چلا جاؤں گا میں

جب مری تنہائی مجھ کو در بدر کرنے لگے

ملک کی بربادیاں اس وقت طے ہو جائیں گی

جب بری تہذیب بچوں پر اثر کرنے لگے

یا خدا راہ وفا پر رہبری کرنا میری

جب مجھے گمراہ میرا ہم سفر کرنے لگے

چھوڑ کر اس وقت عہدہ خود چلا جاؤں گا میں

شک جہاں کوئی مرے ایمان پر کرنے لگے

عشق کے اس موڑ کو سب لوگ کہتے ہیں جنوں

دل کسی کو یاد جب شام و سحر کرنے لگے

kainat-e-arzu mein ham basar karne lage

sab bahut nafrat se kyun ham par nazar karne lage

tere har lamha ka ham ne aj tak rakha hisab

ye alag hai bat khud ko be khabar karne lage

zindagi ko alwida kah kar chala jaunga mein

jab miri tanhai mujh ko dar badar karne lage

mulk ki barbadiyan is waqt tai ho jaengi

jab buri tahzib-e-bachchon pur asar karne lage

ya khuda rah-e-wafa par rahbari karna meri

jab mujhe gumrah mera ham safar karne lage

chhor kar is waqt ohda khud chala jaunga mein

shak jahan koi mire iman par karne lage

ishq ke is mor ko sab log kahte hain junun

dil kisi ko yad jab sham-o-sahar karne lage