جو میری چھت کا رستہ چاند نے دیکھا نہیں ہوتا

جو میری چھت کا رستہ چاند نے دیکھا نہیں ہوتا

تو شاید چاندنی لے کر یہاں اترا نہیں ہوتا

دعائیں دو تمہیں مشہور ہم نے کر دیا ورنہ

نظر انداز کر دیتے تو یہ جلوا نہیں ہوتا

ابھی تو اور بھی موسم پڑے ہے میرے سائے میں

میں برگد کا شجر ہوں مدتوں بوڑھا نہیں ہوتا

حسینوں سے تمنائے وفا کم ظرف رکھتے ہیں

یہ ایسا خواب ہے جو عمر بھر پورا نہیں ہوتا

بڑے احسان ہیں مجھ پر تری معصوم یادوں کے

میں تنہا راستو میں بھی کبھی تنہا نہیں ہوتا

میں جب جب شعر کی گہرائیوں میں ڈوب جاتا ہوں

سوا تیرے مرے دل میں کوئی چہرہ نہیں ہوتا

jo meri chhat ka rasta chand ne dekha nahin hota

to shayad chandni le kar yahan utra nahin hota

duaen do tumhen mashhur ham ne kar diya warna

nazar andaz kar dete to ye jalwa nahin hota

abhi to aur bhi mausam pare hai mere sae mein

main bargad ka shajar hun muddaton burha nahin hota

hasinon se tamanna-e-wafa kam zarf rakhte hain

ye aisa khwab hai jo umr bhar pura nahin hota

bare ehsan hain mujh par tiri maasum yadon ke

main tanha rasto mein bhi kabhi tanha nahin hota

main jab jab sher ki gahraiyon mein dub jata hun

siwa tere mire dil mein koi chehra nahin hota