ہمارے صبر کا اک امتحان باقی ہے

ہمارے صبر کا اک امتحان باقی ہے

اسی لئے تو ابھی تک یہ جان باقی ہے

وہ نفرتوں کی امارت بھی گر گئی دیکھو

محبتوں کا یہ کچا مکان باقی ہے

مرا اصول ہے غزلوں میں سچ بیاں کرنا

میں مر گیا تو مرا خاندان باقی ہے

میں چاند پر ہوں مگر مطمئن نہیں ہوں میں

مرے پروں میں ابھی بھی اڑان باقی ہے

مٹا دو جسم سے میری نشانیاں لیکن

تمہاری روح پہ میرا نشان باقی ہے

تمہیں تو سچ کو اگلنے کی تھی بڑی عادت

تمہارے منہ میں ابھی تک زبان باقی ہے

ہماری موت کو برسوں گزر گئے لیکن

بدن کا خاک سے اب تک ملان باقی ہے

hamare sabr ka ik imtihan baqi hai

isi liye to abhi tak ye jan baqi hai

wo nafraton ki amarat bhi gir gai dekho

mohabbaton ka ye kachcha makan baqi hai

mira usul hai ghazlon mein sach bayan karna

main mar gaya to mira khandan baqi hai

main chand par hun magar mutmain nahin hun main

mire paron mein abhi bhi uran baqi hai

mita do jism se meri nishaniyan lekin

tumhari ruh pe mera nishan baqi hai

tumhen to sach ko ugalne ki thi bari adat

tumhare munh mein abhi tak zaban baqi hai

hamari maut ko barson guzar gae lekin

badan ka khak se ab tak milan baqi hai