بہ فیض عشق ہم نے جب خرد کا راستہ بدلا

بہ فیض عشق ہم نے جب خرد کا راستہ بدلا

مذاق زندگی کے ساتھ دل کا مدعا بدلا

سکون دل کی خاطر آج انداز وفا بدلا

مری صورت بدل جانے سے دل کا مدعا بدلا

محبت ہی محبت ہے جدھر دیکھو زمانے میں

مری قسمت کہ ان ہاتھوں میں پھر رنگ حنا بدلا

محبت کی یہ رسوائی خدا جانے کہاں تک ہو

اگر مجبور غم ہو کر کوئی غم آشنا بدلا

کچھ اس انداز سے پہلو میں لی ہے دل نے انگڑائی

مزاج اشک غم ہائے بہ عنوان حنا بدلا

سنا تو ہے بدل جاتی ہیں روز و شب سے تقدیریں

خدا جانے نہ کیوں اب تک کلیمؔ بے نوا بدلا

ba faiz-e-ishq ham ne jab khirad ka rasta badla

mazaq-e-zindagi ke sath dil ka muddaa badla

sukun-e-dil ki khatir aj andaz-e-wafa badla

miri surat badal jane se dil ka muddaa badla

mohabbat hi mohabbat hai jidhar dekho zamane mein

miri qismat ke in hathon mein phir rang-e-hina badla

mohabbat ki ye ruswai khuda jane kahan tak ho

agar majbur-e-gham ho kar koi gham ashna badla

kuchh is andaz se pahlu mein li hai dil ne angrai

mizaj-e-ashk-e-gham hae ba unwan-e-hina badla

suna to hai badal jati hain roz-o-shab se taqdiren

khuda jane na kyun ab tak kalim-e-be nawa badla