کسی نے با وفا سمجھا کسی نے بے وفا سمجھا

کسی نے با وفا سمجھا کسی نے بے وفا سمجھا

مجھے غیروں نے کیا سمجھا مجھے اپنوں نے کیا سمجھا

غم پیہم ہوئی ثابت جسے میں نے بقا سمجھا

حیات جاوداں نکلی جسے میں نے قضا سمجھا

غلط سمجھا زمانے میں تجھے درد آشنا سمجھا

مری نظروں کا دھوکا تھا میں پتھر کو خدا سمجھا

وفا کی راہ میں کھائے ہیں ایسے بھی کبھی دھوکے

وہ ظالم ابتدا نکلی جسے میں انتہا سمجھا

اسے دل کا جنوں کہئے کہ میری سادگی کہئے

میں ہر اک رہ گزر کو آج اس کا نقش پا سمجھا

بہت ممکن تھا موجوں سے مری کشتی نکل آتی

مگر وہ راہزن نکلا جسے میں ناخدا سمجھا

رہ الفت میں ایسے بھی کنولؔ اکثر مقام آئے

جہاں ہر دل کی دھڑکن کو میں اپنی ہی صدا سمجھا

kisi ne ba wafa samjha kisi ne be wafa samjha

mujhe ghairon ne kya samjha mujhe apnon ne kya samjha

gham-e-paiham hui sabit jise main ne baqa samjha

hayat-e-jawedan nikli jise main ne qaza samjha

ghalat samjha zamane mein tujhe dard-e-ashna samjha

miri nazron ka dhoka tha main patthar ko khuda samjha

wafa ki rah mein khae hain aise bhi kabhi dhoke

wo zalim ibtida nikli jise main intiha samjha

use dil ka junun kahiye ke meri sadgi kahiye

main har ik rah guzar ko aj us ka naqsh-e-pa samjha

bahut mumkin tha maujon se miri kashti nikal ati

magar wo rahzan nikla jise main nakhuda samjha

rah-e-ulfat mein aise bhi kanwal aksar maqam ae

jahan har dil ki dharkan ko main apni hi sada samjha