صورت واقعات کچھ بھی نہیں

صورت واقعات کچھ بھی نہیں

چبھ گئی ورنہ بات کچھ بھی نہیں

یہ چراغ‌‌ حیات کچھ بھی نہیں

جب ہوئی ختم رات کچھ بھی نہیں

داستان حیات کیا کہئے

داستان حیات کچھ بھی نہیں

سچ تو یہ ہے کہ بے رخی کے بغیر

قیمت التفات کچھ بھی نہیں

عشق کی کائنات کے صدقے

حسن کی کائنات کچھ بھی نہیں

surat-e-waqiat kuchh bhi nahin

chubh gai warna bat kuchh bhi nahin

ye charagh-e-hayat kuchh bhi nahin

jab hui khatm rat kuchh bhi nahin

dastan-e-hayat kya kahiye

dastan-e-hayat kuchh bhi nahin

sach to ye hai ke be rukhi ke baghair

qimat-e-iltifat kuchh bhi nahin

ishq ki kainat ke sadqe

husn ki kainat kuchh bhi nahin