زندہ دلی نشانۂ تحقیر کس لیے

زندہ دلی نشانۂ تحقیر کس لیے

کھنچتی نہیں حیات کی تصویر کس لیے

شاخ شجر پہ ہوتی تو کچھ اور بات تھی

موجوں پہ آشیانے کی تعمیر کس لئے

کیا تو نے پیروی نبی چھوڑ دی ہے اب

بے فیض ہو گئی تری تقریر کس لیے

اہل شعور جو تھے وہ پستی میں کھو گئے

بے ڈھنگ لوگ پا گئے توقیر کس لیے

طوفان کا خیال ہے یا زلزلے کا خوف

تیرے لبوں پہ نالۂ شب گیر کس لیے

مشہور تھیں زمانے میں شیریں بیانیاں

اب کھو گئی زبان کی تاثیر کس لیے

تا صبح تو نے خواب ہی دیکھا نہ رات کو

پھر پوچھتا ہے خواب کی تعبیر کس لیے

منزل ہے داغؔ سامنے اپنے قدم بڑھاؤ

تم دیکھتے ہو جانب رہ گیر کس لیے

zinda dili nishana-e-tahqir kis liye

khinchti nahin hayat ki taswir kis liye

shakh-e-shajar pe hoti to kuchh aur bat thi

maujon pe ashiyane ki taamir kis liye

kya tu ne pairawi-e-nabi chhor di hai ab

be faiz ho gai tiri taqrir kis liye

ahl-e-shuur jo the wo pasti mein kho gae

be dhang log pa gae tauqir kis liye

tufan ka khayal hai ya zalzale ka khauf

tere labon pe nala-e-shab gir kis liye

mashhur thin zamane mein shirin bayaniyan

ab kho gai zaban ki tasir kis liye

ta subh tu ne khwab hi dekha na rat ko

phir puchhta hai khwab ki taabir kis liye

manzil hai dagh samne apne qadam barhao

tum dekhte ho janib-e-rah gir kis liye