تخت و تاج اور نہ کچھ مال و زر چاہیے

تخت و تاج اور نہ کچھ مال و زر چاہیے

مجھ کو تو صرف اس کی خبر چاہئے

دھوپ آنگن سے جاتی نہیں ہے کبھی

سائے کے واسطے اک شجر چاہیے

در بدر ٹھوکریں کھا کے آیا ہوں میں

میرے سر کو ترا سنگ در چاہیے

توڑ دے جو قفس کی سبھی تیلیاں

مجھ کو وہ قوت بال و پر چاہیے

جن کی راتیں گزرتی ہیں زیر فلک

ان کو بھی شہر میں کوئی گھر چاہیے

نقش غم جو مٹا دے دل زار کا

داغؔ کو وہ کرم کی نظر چاہیے

takht-o-taj aur na kuchh mal-o-zar chahiye

mujh ko to sirf us ki khabar chahiye

dhup angan se jati nahin hai kabhi

sae ke waste ik shajar chahiye

dar badar thokaren kha ke aya hun main

mere sar ko tira sang-e-dar chahiye

tor de jo qafas ki sabhi teliyan

mujh ko wo quwwat-e-bal-o-par chahiye

jin ki raten guzarti hain zer-e-falak

un ko bhi shahr mein koi ghar chahiye

naqsh-e-gham jo mita de dil-e-zar ka

dagh ko wo karam ki nazar chahiye