وجود اس سے ہمارا کہیں جدا نہ لگے

وجود اس سے ہمارا کہیں جدا نہ لگے

وہ ساتھ ساتھ رہے اور ہمیں پتا نہ لگے

وقار میں جو اضافہ ہے آپ کو منظور

سنبھل کے چلئے جہاں کی کہیں ہوا نہ لگے

فریب و مکر پہ انعام لوگ پاتے ہیں

میں بات سچ بھی کہوں اور تازیانہ لگے

ہماری ذات سے پہلے گریز تھا اس کو

اب اعتراف نوازش اسے برا نہ لگے

الٰہی تجھ سے گزارش ہے بار بار یہی

مرے صنم کو کسی کی بھی بد دعا نہ لگے

جزیرہ دل کا ہے سونا تمہاری یاد بغیر

چلے بھی آؤ کہ موسم بڑا سہانا لگے

وہ بھول سکتا ہے اے داغؔ مجھ کو جلد مگر

اسے بھلانے میں شاید مجھے زمانہ لگے

wajud us se hamara kahin juda na lage

wo sath sath rahe aur hamen pata na lage

waqar mein jo izafa hai ap ko manzur

sambhal ke chaliye jahan ki kahin hua na lage

fareb-o-makr pe inam log pate hain

main bat sach bhi kahun aur taziyana lage

hamari zat se pahle gurez tha us ko

ab etiraf nawazish use bura na lage

ilahi tujh se guzarish hai bar bar yahi

mire sanam ko kisi ki bhi bad dua na lage

jazira dil ka hai sona tumhari yad baghair

chale bhi ao ke mausam bara suhana lage

wo bhul sakta hai ai dagh mujh ko jald magar

use bhulane mein shayad mujhe zamana lage