دل یاد کرکے اس کو پریشان ہے ابھی

دل یاد کرکے اس کو پریشان ہے ابھی

لیکن وہ میرے حال سے انجان ہے ابھی

رخصت وہ جانے کب کا مرے گھر سے ہو گیا

میں دیکھتا ہوں دل میں وہ مہمان ہے ابھی

میں چادر سکون بھلا کیسے اوڑھ لوں

جب حادثوں کا شہر میں امکان ہے ابھی

چھوڑیں گے ہم نہ راہ وفا و خلوص کو

دیکھو ہمارے ہاتھ میں قرآن ہے ابھی

ظلم و ستم وہ حد سے سوا کر سکے گا کیا

ہر اک غریب بے سر و سامان ہے ابھی

اک ایک قطرہ اپنے لہو کا بہاؤں گا

تو آزما لے تن میں مرے جان ہے ابھی

بنیاد تجھ سے ظلم و ستم کی پڑی مگر

مہر و وفا سے داغؔ تو انجان ہے ابھی

dil yad karke us ko pareshan hai abhi

lekin wo mere hal se anjan hai abhi

rukhsat wo jane kab ka mire ghar se ho gaya

main dekhta hun dil mein wo mehman hai abhi

main chadar-e-sukun bhala kaise orh lun

jab hadson ka shahr mein imkan hai abhi

chhorenge ham na rah-e-wafa-o-khulus ko

dekho hamare hath mein quran hai abhi

zulm-o-sitam wo had se siwa kar sakega kya

har ik gharib be sar-o-saman hai abhi

ik ek qatra apne lahu ka bahaunga

tu azma le tan mein mire jan hai abhi

buniyad tujh se zulm-o-sitam ki pari magar

mehr-o-wafa se dagh to anjan hai abhi