آنے کو تو بالیں پر وہ جان بہار آیا

آنے کو تو بالیں پر وہ جان بہار آیا

لیکن دل مضطر کو پھر بھی نہ قرار آیا

ہر رہبر منزل سے پوچھا ہے نشاں تیرا

کر مجھ پہ یقیں تجھ کو ہر سمت پکار آیا

انداز تغافل پر غصہ تھا بہت لیکن

وہ سامنے جب آئے بے ساختہ پیار آیا

اے اہل خرد تم نے الٹا نہ نقاب ان کا

اور میرا جنوں جا کر زلفوں کو سنوار آیا

تھے میری طبیعت پر جو بار کلیمؔ اب تک

پابند خرد رہ کر وہ دن بھی گزار آیا

ane ko to balin par wo jan-e-bahar aya

lekin dil muztar ko phir bhi na qarar aya

har rahbar manzil se puchha hai nishan tera

kar mujh pe yaqin tujh ko har samt pukar aya

andaz-e-taghaful par ghussa tha bahut lekin

wo samne jab ae be sakhta pyar aya

ai ahl-e-khirad tum ne ulta na naqab un ka

aur mera junun ja kar zulfon ko sanwar aya

the meri tabiat par jo bar kalim ab tak

paband-e-khirad rah kar wo din bhi guzar aya