شرم سے اس نے نگاہوں کو ملانے نہ دیا

شرم سے اس نے نگاہوں کو ملانے نہ دیا

ضبط نے حال دل زار سنانے نہ دیا

ہائے وہ بزم جو قائم تھی ہمارے دم سے

ہم کو حالات نے اس بزم میں جانے نہ دیا

غم نہیں اپنے نشیمن کا نشاں تک نہ رہا

برق کو ہم نے گلستاں تو جلانے نہ دیا

ترک الفت کا ارادہ تو کیا تھا لیکن

دل نے دامن تری یادوں سے بچانے نہ دیا

اور کیا رکھتے بھرم ان کی جفا کا دانشؔ

شکوہ بربادی کا لب پر کبھی آنے نہ دیا

sharm se us ne nigahon ko milane na diya

zabt ne hal-e-dil-e-zar sunane na diya

hae wo bazm jo qaim thi hamare dam se

ham ko halat ne is bazm mein jane na diya

gham nahin apne nasheman ka nishan tak na raha

barq ko ham ne gulistan to jalane na diya

tark-e-ulfat ka irada to kya tha lekin

dil ne daman tiri yadon se bachane na diya

aur kiya rakhte bharam un ki jafa ka danish

shikwa barbadi ka lab par kabhi ane na diya