اب نہیں کوئی مرے دل کو دکھانے والا

اب نہیں کوئی مرے دل کو دکھانے والا

یاد آتا ہے بہت روٹھ کے جانے والا

گردش وقت مٹا مجھ کو مگر یاد رہے

پھر نہیں کوئی ترا ناز اٹھانے والا

جب بھی آئے گی مری یاد تڑپ جائے گا

اپنی محفل کو مرے بعد سجانے والا

جس کی خاطر لئے الزام جہاں کے میں نے

یہ وہی شخص ہے منہ پھیر کے جانے والا

کوئی مخلص نہ ملا ایسا جہاں میں دانشؔ

میری بربادی پہ دو اشک بہانے والا

ab nahin koi mire dil ko dikhane wala

yad ata hai bahut ruth ke jane wala

gardish-e-waqt mita mujh ko magar yad rahe

phir nahin koi tira naz uthane wala

jab bhi aegi miri yad tarap jaega

apni mahfil ko mire baad sajane wala

jis ki khatir liye ilzam jahan ke main ne

ye wahi shakhs hai munh pher ke jane wala

koi mukhlis na mila aisa jahan mein danish

meri barbadi pe do ashk bahane wala