زندگی کر گئی طوفاں کے حوالے مجھ کو

زندگی کر گئی طوفاں کے حوالے مجھ کو

اے اجل کشمکش غم سے چھڑا لے مجھ کو

کچھ تو لے کام تغافل سے وفا کے پیکر

یہ ترا پیار کہیں مار نہ ڈالے مجھ کو

واہ ری قسمت کہ کہاں منزل مقصود ملی

جب مزہ دینے لگے پاؤں کے چھالے مجھ کو

آخری وقت تلک ساتھ اندھیروں نے دیا

راس آتے نہیں دنیا کے اجالے مجھ کو

کوئی بھی محسن و رہبر ہی نہیں ہے میرا

یوں تو دانشؔ ہیں بہت چاہنے والے مجھ کو

zindagi kar gai tufan ke hawale mujh ko

ai ajal kashmakash-e-gham se chhura le mujh ko

kuchh to le kam taghaful se wafa ke paikar

ye tira pyar kahin mar na dale mujh ko

wah ri qismat ke kahan manzil-e-maqsud mili

jab maza dene lage paon ke chhale mujh ko

akhiri waqt talak sath andheron ne diya

ras ate nahin duniya ke ujale mujh ko

koi bhi mohsin-o-rahbar hi nahin hai mera

yun to danish hain bahut chahne wale mujh ko