ذرے ذرے میں مہک پیار کی ڈالی جائے

ذرے ذرے میں مہک پیار کی ڈالی جائے

بو تعصب کی ہر اک دل سے نکالی جائے

اپنے دشمن کو بھی خود بڑھ کے لگا لو سینے

بات بگڑی ہوئی اس طرح بنا لی جائے

آپ خوش ہو کے اگر ہم کو اجازت دے دیں

آپ کے نام سے اک بزم سجا لی جائے

ہو کے مجبور یہ بچوں کو سبق دینا ہے

اب قلم چھوڑ کے تلوار اٹھا لی جائے

سوچ کر عرض طلب وقت کے سلطان سے کر

مانگنے والے تری بات نہ خالی جائے

zarre zarre mein mahak pyar ki dali jae

bu taassub ki har ik dil se nikali jae

apne dushman ko bhi khud barh ke laga lo sine

bat bigri hui is tarah bana li jae

ap khush ho ke agar ham ko ijazat de den

ap ke nam se ik bazm saja li jae

ho ke majbur ye bachchon ko sabaq dena hai

ab qalam chhor ke talwar utha li jae

soch kar arz-e-talab waqt ke sultan se kar

mangne wale tiri bat na khali jae