خشک آنکھوں میں بہت ہیں ابھی آنسو باقی

خشک آنکھوں میں بہت ہیں ابھی آنسو باقی

پھول سوکھے ہیں مگر ان میں ہے خوشبو باقی

ان کی زلفوں کو چھوئے ایک زمانہ گزرا

آج تک ہے مرے ہاتھوں میں وہ خوشبو باقی

صبر و تسکین سے جو منسوب تھے وہ ختم ہوئے

دامن دل میں ہیں اب جبر کے آنسو باقی

کیا تری یاد کی اب ہم سے تواضع ہوگی

اب نہ باقی ہے لہو دل میں نہ آنسو باقی

روز تخلیق جو آواز سنی تھی دانشؔ

اس کا اب تک مری رگ رگ میں ہے جادو باقی

khushk ankhon mein bahut hain abhi ansu baqi

phul sukhe hain magar un mein hai khushbu baqi

un ki zulfon ko chhue ek zamana guzra

aj tak hai mire hathon mein wo khushbu baqi

sabr-o-taskin se jo mansub the wo khatm hue

daman-e-dil mein hain ab jabr ke ansu baqi

kya tiri yad ki ab ham se tawazo hogi

ab na baqi hai lahu dil mein na ansu baqi

roz takhliq jo awaz suni thi danish

us ka ab tak miri rag rag mein hai jadu baqi