جیسے اس بستی سے ناراض خدا لگتا ہے

جیسے اس بستی سے ناراض خدا لگتا ہے

اپنا ہی گاؤں مجھے آج برا لگتا ہے

چاند کی سطح پہ پتھر کے سوا کچھ بھی نہیں

دور سے دیکھو تو ہر چہرہ بھلا لگتا ہے

چند باتوں سے سمجھ لیتے ہیں ہم انساں کو

چند موجوں سے ہی طوفاں کا پتا لگتا ہے

دیکھنے والی نگاہوں سے جو دیکھو اس کو

چاندنی رات میں سورج کی حیا لگتا ہے

ایک ہی شخص کا ہر وقت تصور دانشؔ

اس سے کیا رشتہ ہے کیا ناطہ ہے کیا لگتا ہے

jaise is basti se naraz khuda lagta hai

apna hi gaon mujhe aj bura lagta hai

chand ki sath pe patthar ke siwa kuchh bhi nahin

dur se dekho to har chehra bhala lagta hai

chand baton se samajh lete hain ham insan ko

chand maujon se hi tufan ka pata lagta hai

dekhne wali nigahon se jo dekho us ko

chandni rat mein suraj ki haya lagta hai

ek hi shakhs ka har waqt tasawwur danish

us se kya rishta hai kya nata hai kya lagta hai