ہنگامہ کس لیے ہے بپا تیرے شہر میں

ہنگامہ کس لیے ہے بپا تیرے شہر میں

کیا پھر کوئی غریب لٹا تیرے شہر میں

ہر شخص کر رہا ہے جفا تیرے شہر میں

جینے کا آ رہا ہے مزا تیرے شہر میں

رنگین صبح و شام تھے شب بھی حسین تھی

دل کو مگر سکون نہ تھا تیرے شہر میں

اس طرح اہل شہر نے مجھ پر ستم کئے

رہتا نہیں ہو جیسے خدا تیرے شہر میں

اب خود سے پوچھتا ہوں پتا اپنے گاؤں کا

ایسا ملا وفا کا صلہ تیرے شہر میں

دانشؔ کو تیرے پیار نے کی دشمنی عطا

پہلے کوئی رقیب نہ تھا تیرے شہر میں

hangama kis liye hai bapa tere shahr mein

kya phir koi gharib luta tere shahr mein

har shakhs kar raha hai jafa tere shahr mein

jine ka a raha hai maza tere shahr mein

rangin subh-o-sham the shab bhi hasin thi

dil ko magar sukun na tha tere shahr mein

is tarah ahl-e-shahr ne mujh par sitam kiye

rahta nahin ho jaise khuda tere shahr mein

ab khud se puchhta hun pata apne gaon ka

aisa mila wafa ka sila tere shahr mein

danish ko tere pyar ne ki dushmani ata

pahle koi raqib na tha tere shahr mein