قریب تم ہو تو ہر اک سے دوستی سی لگے

قریب تم ہو تو ہر اک سے دوستی سی لگے

جو تم ہو دور تو ذات اپنی اجنبی سی لگے

خدا ہی جانے حیات اپنی کس طرح گزرے

بغیر ان کے تو اک پل بھی اک صدی سی لگے

تم اپنا کہہ کے پکارو کبھی تو بھولے سے

یہ زندگی کبھی ہم کو بھی زندگی سی لگے

نوازشات کا طالب نہیں ہوں میں لیکن

اب اس طرح بھی نہ مل جس سے بے رخی سی لگے

نہ پوچھ کیفیت انتظار اے ہمدم

کہ تیز دھوپ بھی اس وقت چاندنی سی لگے

خوشی تو اپنے مقدر میں ہی نہیں دانشؔ

کسی کے غم کی یہ دولت بھی عارضی سی لگے

qarib tum ho to har ik se dosti si lage

jo tum ho dur to zat apni ajnabi si lage

khuda hi jane hayat apni kis tarah guzre

baghair un ke to ik pal bhi ik sadi si lage

tum apna kah ke pukaro kabhi to bhule se

ye zindagi kabhi ham ko bhi zindagi si lage

nawazshat ka talib nahin hun main lekin

ab is tarah bhi na mil jis se be rukhi si lage

na puchh kaifiyat intizar ai hamdam

ke tez dhup bhi is waqt chandni si lage

khushi to apne muqaddar mein hi nahin danish

kisi ke gham ki ye daulat bhi arzi si lage