ظالم سے محبت کا صلہ مانگ رہے ہیں

ظالم سے محبت کا صلہ مانگ رہے ہیں

نادان ہیں پتھر سے وفا مانگ رہے ہیں

پھر اور کوئی سازش رنگیں تو نہیں ہے

وہ آج مرے حق میں دعا مانگ رہے ہیں

الطاف و کرم آپ کے اوروں کو مبارک

ہم آپ سے جینے کی ادا مانگ رہے ہیں

ہم مرتکب جرم وفا ہو تو چکے ہیں

دو جرم محبت کی سزا مانگ رہے ہیں

جب مجھ سے کوئی ان کا تعلق نہیں دانشؔ

پھر کیوں مرے جینے کی دعا مانگ رہے ہیں

zalim se mohabbat ka sila mang rahe hain

nadan hain patthar se wafa mang rahe hain

phir aur koi sazish rangin to nahin hai

wo aj mire haq mein dua mang rahe hain

altaf-o-karam ap ke auron ko mubarak

ham ap se jine ki ada mang rahe hain

ham murtakib-e-jurm-e-wafa ho to chuke hain

do jurm-e-mohabbat ki saza mang rahe hain

jab mujh se koi un ka taalluq nahin danish

phir kyun mire jine ki dua mang rahe hain