Arooz is now on the App Store, for iPhone and iPad. Download →

All poetry

کاش محفل میں آج تو بھی ہو

Kaleem Saronji (b. 1921)

کاش محفل میں آج تو بھی ہو

اور کچھ میری گفتگو بھی ہو

ڈھونڈنے میں کچھ اور لطف آئے

دل میں گر ذوق جستجو بھی ہو

کچھ تمہارا نشاں نہیں ملتا

اور دنیا میں چار سو بھی ہو

خاک پیدا ہو لطف خود بینی

کوئی آئینہ روبرو بھی ہو

ہوش اڑتے ہیں کس کے دیکھیں گے

گفتگو ان سے دو بدو بھی ہو

طور پر آئیں وہ کلیمؔ مگر

ان کے جلوؤں کی آرزو بھی ہو