کچھ ٹوٹتا ہے اندر بولو میں کیا کروں اب
Chhabi Saksena Sahai Sabaکچھ ٹوٹتا ہے اندر بولو میں کیا کروں اب
خاموش ہے بونڈر بولو میں کیا کروں اب
ہے رنجشوں سے بھیگی الفت کی چاندنی بھی
تھا چاند ہی ستم گر بولو میں کیا کروں اب
وہ سامنے سے چل کر گزری بہار کب کی
کس سمت ہے مقدر بولو میں کیا کروں اب
میں اپنی حسرتوں کا کیوں رنگ ہی نہ بدل دوں
تصویر ہو جو ابتر بولو میں کیا کروں اب
کچھ اور ہی ہوئے ہم خوابوں سے آ کے باہر
رخصت ہوا فسوں گر بولو میں کیا کروں اب
بے درد ہے زمانہ انجان آسماں ہے
دیکھو چھپے ہیں خنجر بولو میں کیا کروں اب
پھر آج اس نے مجھ کو دیکھا ہے مسکرا کر
ہے حادثہ مقرر بولو میں کیا کروں اب
صیاد لے رہا ہے میرا امتحاں قفس میں
ہر دن ہو جیسے محشر بولو میں کیا کروں اب
ہے آس پاس میرے گلشن سجا گلوں سے
چبھتے ہے لاکھ نشتر بولو میں کیا کروں اب
کس کو بلا رہا ہے اب انتظار تیرا
تنہا ہے سارا منظر بولو میں کیا کروں اب
گرتی صبا پہ آ کر ترک وفا کی بجلی
گو خواب ہیں معطر بولو میں کیا کروں اب
kuchh tutta hai andar bolo main kya karun ab
khamosh hai bunidar bolo main kya karun ab
hai ranjishon se bhigi ulfat ki chandni bhi
tha chand hi sitam gar bolo main kya karun ab
wo samne se chal kar guzri bahar kab ki
kis samt hai muqaddar bolo main kya karun ab
main apni hasraton ka kyun rang hi na badal dun
taswir ho jo abtar bolo main kya karun ab
kuchh aur hi hue ham khwabon se a ke bahar
rukhsat hua fusun gar bolo main kya karun ab
be dard hai zamana anjan asman hai
dekho chhupe hain khanjar bolo main kya karun ab
phir aj us ne mujh ko dekha hai muskura kar
hai hadisa muqarrar bolo main kya karun ab
sayyad le raha hai mera imtihan qafas mein
har din ho jaise mahshar bolo main kya karun ab
hai as pas mere gulshan saja gulon se
chubhte hai lakh nashtar bolo main kya karun ab
kis ko bala raha hai ab intizar tera
tanha hai sara manzar bolo main kya karun ab
girti saba pe a kar tark-e-wafa ki bijli
go khwab hain muattar bolo main kya karun ab