Arooz is now on the App Store, for iPhone and iPad. Download →

All poetry

ہمیں سے توڑ کے رشتہ سفر پہ نکلا ہے

Badr Shamsi

ہمیں سے توڑ کے رشتہ سفر پہ نکلا ہے

ہمارا سایہ اکیلا سفر پہ نکلا ہے

قدم قدم نئے زخموں کے پھول مہکاؤ

کہ کوئی رشک مسیحا سفر پہ نکلا ہے

ہمارے غم کے شریک سفر ہیں آنسو بھی

چراغ لے کے اندھیرا سفر پہ نکلا ہے

بتا رہا ہے ہواؤں کا زور آج کی شب

کوئی چراغ اکیلا سفر پہ نکلا ہے

سمندروں سے کہو فرش راہ ہو جائیں

سنا ہے آج وہ پیاسا سفر پہ نکلا ہے

شکست دل کے مراحل سے پہلے ہم گزرے

ہمارے بعد زمانہ سفر پہ نکلا ہے

تمام عمر جو اے بدرؔ گردشوں میں رہا

تھکا تھکا وہ سویرا سفر پہ نکلا ہے