دیوار وقت پر ہیں نوشتے عجیب سے

دیوار وقت پر ہیں نوشتے عجیب سے

رقصاں گلی گلی میں ہیں سائے مہیب سے

حیرت ہے کیوں جو آئینہ ٹوٹا حبیب سے

ٹھوکر ہمیشہ لگتی ہے بالکل قریب سے

نکبت کا درد ترسی نظر دل میں اضطراب

غربت کا کرب پوچھیے جا کر غریب سے

گھر کے مکین خیر سے لوٹیں نہ جب تلک

خدشات گھیرے رہتے ہیں دل کو عجیب سے

مخلص بھی ہوں شفیق بھی قدر ان کی کیجیے

ملتے ہیں ایسے دوست تبسمؔ نصیب سے

diwar waqt par hain naushite ajib se

raqsan gali gali mein hain sae muhib se

hairat hai kyun jo aina tuta habib se

thokar hamesha lagti hai bilkul qarib se

nakbat ka dard tarsi nazar dil mein iztirab

ghurbat ka karb puchhiye ja kar gharib se

ghar ke makin khair se lauten na jab talak

khadshat ghere rahte hain dil ko ajib se

mukhlis bhi hun shafiq bhi qadar un ki kijiye

milte hain aise dost tabassum nasib se