یادوں کا درد دل میں ہے کچھ یوں ابھار پر

یادوں کا درد دل میں ہے کچھ یوں ابھار پر

جیسے اگا ہوں ننھا سا پودا مزار پر

پلکوں پہ ان کی ٹھہرے ہیں آنسو کچھ اس طرح

آ بیٹھیں جیسے زخمی پرندے دوار پر

دکھ درد نئیں آہ مجھے پھر سے تھام لو

کہتے ہیں مجھ سے لوگ کہ میں ہوں اتار پر

اب چاہے جیسے کھیلے ہمارے نصیب سے

ہم نے تو چھوڑا فیصلہ پروردگار پر

ہوں گے نہیں فضاؤں میں واحدؔ کے گیت اب

سر رکھ کے سو گیا ہے وہ ٹوٹے ستار پر

yadon ka dard-e-dil mein hai kuchh yun ubhar par

jaise uga hun nanha sa pauda mazar par

palkon pe un ki thahre hain ansu kuchh is tarah

a baithen jaise zakhmi parinde dawar par

dukh dard nain ah mujhe phir se tham lo

kahte hain mujh se log ke main hun utar par

ab chahe jaise khele hamare nasib se

ham ne to chhora faisla parwardigar par

honge nahin fazaon mein wahid ke git ab

sar rakh ke so gaya hai wo tute sitar par