وہ دیکھنے میں فقط راستے کا پتھر ہے

وہ دیکھنے میں فقط راستے کا پتھر ہے

ہزار راہبروں سے مگر وہ بہتر ہے

سمے کمہار ہے جو چاک پر نچاتا ہے

یہ زندگی تو صراحی کا ناچنا بھر ہے

جو خالی ہاتھ ہے آیا وہ کیا خریدے گا

اسے تو دنیا کے میلے کو دیکھنا بھر ہے

یہ دیکھنا ہے کہ جیتے گا کون بازی کو

مقابلے میں مرا گھر ہے اور محشر ہے

غموں کی آگ سے خود کو ذرا بچا رکھنا

کہ جس میں رہتے ہو واحدؔ وہ موم کا گھر ہے

wo dekhne mein faqat raste ka patthar hai

hazar rahburon se magar wo behtar hai

samay kumhar hai jo chak par nachata hai

ye zindagi to surahi ka nachna bhar hai

jo khali hath hai aya wo kya kharidega

use to duniya ke mele ko dekhna bhar hai

ye dekhna hai ke jitega kaun bazi ko

muqable mein mira ghar hai aur mahshar hai

ghamon ki ag se khud ko zara bacha rakhna

ke jis mein rahte ho wahid wo mom ka ghar hai