صورت اتر نہ جائے کہیں ماہتاب کی

صورت اتر نہ جائے کہیں ماہتاب کی

کہہ دو کہ بات جھوٹ ہے ان کے شباب کی

شام وصال سیج پہ شرمائے جوں دلہن

شرمائی یوں ہیں شاخ پہ کلیاں گلاب کی

پتھر اچھال دیجئے یوں دل کی جھیل میں

ورنہ امید رکھیے نہ مجھ سے جواب کی

منزل قریب آئی تو بھٹکا دیا گیا

ان رہبروں نے زندگی میری خراب کی

حالات نے بگاڑ دی واحدؔ کی شکل یوں

جیسے خراب جلد ہو اچھی کتاب کی

surat utar na jae kahin mahtab ki

kah do ke bat jhut hai un ke shabab ki

sham-e-wisal sej pe sharmae jun dulhan

sharmai yun hain shakh pe kaliyan gulab ki

patthar uchhal dijiye yun dil ki jhil mein

warna umid rakhiye na mujh se jawab ki

manzil qarib ai to bhatka diya gaya

in rahbaron ne zindagi meri kharab ki

halat ne bigar di wahid ki shakl yun

jaise kharab jald ho achchhi kitab ki