میری راہوں میں ترے نقش قدم رہنے دے
Chander Wahid (b. 1958)میری راہوں میں ترے نقش قدم رہنے دے
مجھ پہ للہ محض اتنا کرم رہنے دے
ٹوٹے دیپک کو ہٹا مت تو مرے آگے سے
میری نظروں کو اجالے کا بھرم رہنے دے
عکس اپنا کوئی دیکھے ہے مرے اشکوں میں
اور کچھ دیر مری آنکھوں کو نم رہنے دے
شاعر وقت حقیقت میں وہی ہوتا ہے
اپنے شعروں میں جو دشواریاں کم رہنے دے
وہ نہ بھولے سے بھی دیکھیں گے تجھے اے واحدؔ
ان کی نظروں سے یہ امید کرم رہنے دے
meri rahon mein tire naqsh-e-qadam rahne de
mujh pe lillah mahz itna karam rahne de
tute dipak ko hata mat to mire age se
meri nazron ko ujale ka bharam rahne de
aks apna koi dekhe hai mire ashkon mein
aur kuchh der miri ankhon ko nam rahne de
shayar-e-waqt haqiqat mein wahi hota hai
apne sheron mein jo dushwariyan kam rahne de
wo na bhule se bhi dekhenge tujhe ai wahid
un ki nazron se ye ummid-e-karam rahne de