پردے میں خامشی کے سخن بولنے لگے

پردے میں خامشی کے سخن بولنے لگے

کاٹی گئی زباں تو نین بولنے لگے

قاتل تو مطمئن تھا ٹھکانے لگا کے لاش

کافور چیخ اٹھے کفن بولنے لگے

اہل چمن نے کھو دی بصیرت تو یوں ہوا

گلشن کے سارے زاغ و زغن بولنے لگے

یوں بھی ہوا ہے لاکھ مکھوٹوں کے باوجود

سب آؤ تاؤ چال چلن بولنے لگے

جب تان لی ہے رات نے خاموشی کی ردا

جگنو ستارے چاند گگن بولنے لگے

بزم تصورات میں ماضی کا رقص تھا

یادوں کے گھنگھرو چھنا چھن بولنے لگے

اشعار میں یوں ڈھالیے تصویر کائنات

جادو بیاں قلم رہے فن بولنے لگے

parde mein khamushi ke sukhan bolne lage

kati gai zaban to nain bolne lage

qatil to mutmain tha thikane laga ke lash

kafur chikh uthe kafan bolne lage

ahl-e-chaman ne kho di basirat to yun hua

gulshan ke sare zagh-o-zaghan bolne lage

yun bhi hua hai lakh makhoton ke bawajud

sab ao tao chal chalan bolne lage

jab tan li hai rat ne khamoshi ki rida

jugnu sitare chand gagan bolne lage

bazm-e-tasawwurat mein mazi ka raqs tha

yadon ke ghunghru chhanna chhin bolne lage

ashar mein yun dhaliye taswir-e-kainat

jadu bayan qalam rahe fan bolne lage