اب تو خوابوں کے ہی سہارے ہیں

اب تو خوابوں کے ہی سہارے ہیں

یہ ہی لے دے کے اب ہمارے ہیں

اپنا سایہ تلک نہ تھا اپنا

ہم نے ایسے بھی دن گزارے ہیں

خود کو خوابوں کے مول بیچا ہے

قرض یادوں کے تب اتارے ہیں

اپنا کہنے کو یوں تو دنیا ہے

ہم ازل سے ہی بے سہارے ہیں

درد کی چھاؤں میں چلو واحدؔ

تپتے موسم کے یہ اشارے ہیں

ab to khwabon ke hi sahare hain

ye hi le de ke ab hamare hain

apna saya talak na tha apna

ham ne aise bhi din guzare hain

khud ko khwabon ke mol becha hai

qarz yadon ke tab utare hain

apna kahne ko yun to duniya hai

ham azal se hi be sahare hain

dard ki chhaon mein chalo wahid

tapte mausam ke ye ishare hain